Lalín

Este municipio é o máis extenso da provincia de Pontevedra con 297'8 km² sendo ademais o máis poboado da Comarca de Deza, na que se ergue como capital. Os seus límites están marcados por distintos accidentes xeográficos; a serra do Carrio e os Montes de Camballón sepárano de Vila de Cruces; o río Arnego é a fronteira cos veciños concellos de Agolada e Rodeiro, mentres que o río Deza limita coas terras de Trasdeza e os montes da Rocha con Dozón.

A súa situación privilexiada, pois coñécese como o “quilómetro 0 de Galicia”, converte a este municipio nun importante nexo de comunicación da comunidade galega. Consta dun total de 51 parroquias e 348 aldeas, marcadas principalmente polo carácter agrícola e gandeiro, pese a que viviu un gran auxe industrial (especialmente no téxtil e a construción) e de servizos, proba diso atópase no impoñente Polígono Industrial Lalín 2000.

A metrópole do agro

Destacan entre a súa oferta turística lugares como o Museo da Marioneta e o Museo Municipal Ramón Aller, ambos situados no casco urbano, mentres que en Doade a historia e as labores do agro constitúen un auténtico Museo Etnográfico coñecido como “Casa do Patrón” dando mostra de que a orgullosa identidade deste concello está marcada pola terra da que vén e na que medra.

Convertido en referente urbanita da zona, a modernidade neste municipio sempre se mantén parella da cultura e tradición máis enxebre. Mitos e lendas como os que se agochan no Santuario do Corpiño ou a maxestuosidade dos señoríos doutro tempo como o Pazo de Liñares, Pazo de Anzuxao ou Pazo de Figueiroa, entre outros, constitúen a historia viva de Lalín.

Un manxar de cortello

Un concello de contrastes, así se pode identificar a Lalín, un lugar no que o turismo verde percorre frondosas carballeiras como a de Barcia ou a de Catasós, lugares emblemáticos como Zobra… e o paseo Pontiñas que atravesa todo o casco urbano, converténdose en reclamo para o visitante, sen esquecer esa parada obrigada na estatua do “porco”, símbolo indiscutible da súa gastronomía ou na estatua dos cabalos, obra emblemática pola celebración da popular Feira do Cabalo.

É o chamado "marisco de cortello" o que distingue á cociña lalinense que se homenaxea co seu prato máis internacional, o cocido galego, nun evento único a Feira do Cocido, declarada Festa de Galicia de Interese Turístico. Esta celebración, que vén marcada por todo un mes de actividades previo ao día grande, reúne cada ano a miles de persoas que se achegan ata a capital de Deza para asistir no domingo previo ao Entroido ao momento álxido no que un desfile de carrozas percorre as rúas e persoeiros ilustres se converten en "encomendadores do cocido". Ao amparo deste festexo naceu un evento deportivo que, en cada edición reúne a numerosos afeccionados ao motor no coñecido "Rali do Cocido". Ademais desta competición, a vila acolle outra celebración para os apaixonados das dúas rodas, o "Enduro".

Escudo entrada LalínSantuario do CorpiñoEstatua ao porco
Museo Etnográfico Casa do Patrón

Museo Etnográfico Casa do Patrón

Localizado nunha antiga vivenda de pedra de máis de 200 anos, o Museo Etnográfico "Casa do Patrón" conta cun total de 750 m2 nos que...

Fundación Xosé Neira Vilas

Fundación Xosé Neira Vilas

Esta Fundación atópase na parroquia de Gres, concretamente na vivenda familiar na que naceu o escritor Xosé Neira Vilas. Coñecida como a "Casa do Romano",...

Observatorio Coto de Zarragrande

Observatorio Coto de Zarragrande

Construído alá polo ano 1993 por José María López Pérez, membro da Agrupación Astronómica Aller, consolidouse como o único observatorio de Galicia ata a creación...

Casa-Museo “A Solaina”

Casa-Museo “A Solaina”

A Casa-Museo "A Solaina" atópase nun casarío restaurado por iniciativa do artista local Paco Lareo en colaboración con distintos persoeiros do mundo artístico da comarca....

Museo Manuel Lamazares

Museo Manuel Lamazares

Neste museo converxen distintas mostras de arte ás que se lle dedican salas específicas segundo a temática. Por unha banda, a sala principal está marcada...

Casa da Pena

Casa da Pena

Localizada en San Pedro de Carmoega, esta Casa Grande distínguese pola súa fachada na que permanecen os escudos dos propietarios orixinais, as familias Vilamarín e...

Pazo de Sestelo

Pazo de Sestelo

Na parroquia de Siador atópase esta propiedade privada, tamén coñecida como Casa do Sestelo, circundada por un impresionante recinto amurallado. Dispón de dúas alturas, na...

Pazo de Eidián

Pazo de Eidián

A edificación, de dúas alturas, presenta unha planta en forma de T resultado de diversas modificacións posteriores, xa que na seu orixe estaba disposto en...

Pazo de Borraxeiros

Pazo de Borraxeiros

Na parroquia que leva o mesmo nome atópase este pazo privado. Nel destaca o patio central que semella pertencer a unha nova construción. En canto...

Pazo de Trasulfe

Pazo de Trasulfe

Segundo os historiadores, edificación que data do século XV. Trátase dunha casona señorial con nave en forma de U que destaca pola súa solaina e...

Feira do Cocido

Feira do Cocido

Constitúe a cita gastronómica máis importante do municipio e unha das máis relevantes de toda a comarca, pois está declarada como Festa de Interese Turístico...

Festa da Tortilla

Festa da Tortilla

Un dos pratos máis típicos da cociña española e recorrente en calquera romaría é a tortilla, que na parroquia de Laro, en Silleda, congrega cada...

Romaría da Saleta

Romaría da Saleta

Conmemorando a aparición da virxe no lugar de La Salette nos Alpes franceses, a familia Rivas do Pazo de Sestelo mandou crear unha escultura da...

Feira do Cabalo

Feira do Cabalo

Na capital do Deza os amantes do mundo equino teñen unha cita ineludible no mes de xuño, data na que se celebra a Feira do...

Festa do Lacón

Festa do Lacón

A Comarca de Deza é coñecida pola calidade das súas carnes, e moi especialmente polo aproveitamento culinario que do porco se realiza nesta zona. No...