Sobreirais do Arnego

Lonxitude: 15 Km con desnivel máximo de 150 metros.
Duración: 4 horas.
Comezo: Área recreativa do Arnego, Carmoega (Agolada).
Chegada: Área recreativa do Arnego.
Sitios de Interese: Sobreirais do Arnego, igrexa de Carmoega, igrexa de Tuiriz, ermida de Santo André.
Dificultade: Media.
Época: Calquera.
Ruta Sobreirais do Arnego

Etapa 1

Para comezar a nosa ruta debemos dirixirnos á área recreativa do Arnego, situada no lugar de Carmoega, no concello de Agolada. Para iso tomamos a estrada que vai dende Agolada cara a Vila de Cruces, desviándonos en Brántega cara a Carmoega e descendendo despois ata a área recreativa. Partimos pois dende a área recreativa seguindo a pista que nos leva a Carmoega. Superada a igrexa xiramos á esquerda por un camiño de terra. A uns 100 metros chegamos a un cruce no que continuamos polo ramal da dereita, volvendo a tomar logo o camiño á dereita na seguinte bifurcación 100 metros máis adiante.

Etapa 2

Segundo vamos gañando altura, podemos ver á nosa esquerda a Serra de Fornelos e abaixo o cauce do Arnego. Máis adiante desviámonos á esquerda e no cruce que está a uns 200 metros despois seguimos de frente. Tras un breve descenso chegamos ao lugar de Castro onde torcemos á esquerda. Cando a pendente se fai máis acusada, chegamos a unha bifurcación na que debemos seguir pola dereita. Ao chegar, tras un pequeno ascenso pola estrada que une Vila de Cruces con Agolada, xiramos á esquerda. Chegamos á ponte do Arnego, límite entre os dous concellos. Preto do mesmo, á dereita, despois de cruzar o río, encóntrase a área recreativa do Abeseiro, dotada de mesas, asentos e parrillas, un bo lugar para descansar antes de empezar a subida a Tuiriz.

Etapa 3

Sobrepasada a igrexa de Tuiriz, deberemos subir un pouco máis ata encontrar unha desviación á esquerda. Máis adiante encontrarémonos cunha pista que vén de Vila de Cruces e xiramos á esquerda. Antes de chegar ao lugar de Fornelos, desviámonos por un camiño que se atopa á esquerda. Unha vez percorrida a serra de Fornelos, dende onde gozamos dunhas vistas maravillosas. Chegamos a un cruce no que seguimos de frente empezando o descenso a Santoandré. Alí torcemos á dereita ao pé da ermida. A uns 100 metros xiraremos á esquerda e no seguinte cruce outra vez á esquerda. Tras uns 250 metros desviámonos á dereita seguindo sen perda ata a área recreativa do Arnego punto de inicio de esta ruta. Datos obtidos do libro Guía do Deza de Luís Couto Lorenzo.
Mapa ruta Sobreirais do Arnego
Museo Etnográfico Casa do Patrón

Museo Etnográfico Casa do Patrón

Localizado nunha antiga vivenda de pedra de máis de 200 anos, o Museo Etnográfico "Casa do Patrón" conta cun total de 750 m2 nos que...

Museo Manuel Lamazares

Museo Manuel Lamazares

Neste museo converxen distintas mostras de arte ás que se lle dedican salas específicas segundo a temática. Por unha banda, a sala principal está marcada...

Museo Ramón Mª Aller Ulloa

Museo Ramón Mª Aller Ulloa

Como indica o seu nome, o Museo Municipal Ramón María Aller Ulloa rende homenaxe á figura deste ilustre sacerdote lalinense, dende a súa faceta como...

Observatorio Coto de Zarragrande

Observatorio Coto de Zarragrande

Construído alá polo ano 1993 por José María López Pérez, membro da Agrupación Astronómica Aller, consolidouse como o único observatorio de Galicia ata a creación...

Fundación Xosé Neira Vilas

Fundación Xosé Neira Vilas

Esta Fundación atópase na parroquia de Gres, concretamente na vivenda familiar na que naceu o escritor Xosé Neira Vilas. Coñecida como a "Casa do Romano",...

Pazo dos Gil

Pazo dos Gil

Edificio realizado en cachotaría distribuído en forma de L. Dende unha escalinata de pedra accédese a unha solaina na que se agocha o escudo coas...

Pazo da Torre

Pazo da Torre

Situado na parroquia de Merza, esta casona señorial atópase perfectamente amurallada chegando a conservar unha torre defensiva. Nas dependencias interiores contabilízanse un total de 8...

Casa Fidalgos de Palio

Casa Fidalgos de Palio

Na parroquia de Cercio atópase este emblemático pazo de planta rectangular da que sobresae unha solemne torre. Para acceder á vivenda é preciso atravesar un...

Pazo de Barcia

Pazo de Barcia

Na parroquia do mesmo nome atópase esta pazo privado construído en  forma de L. Na súa fachada destaca unha escalinata que permite acceder ata a...

Casa da Pena

Casa da Pena

Localizada en San Pedro de Carmoega, esta Casa Grande distínguese pola súa fachada na que permanecen os escudos dos propietarios orixinais, as familias Vilamarín e...

Festa da Tortilla

Festa da Tortilla

Un dos pratos máis típicos da cociña española e recorrente en calquera romaría é a tortilla, que na parroquia de Laro, en Silleda, congrega cada...

Festa da Empanada

Festa da Empanada

Este festexo celébra no mes de agosto na localidade de A Bandeira, en Silleda, dende o ano 1974, pero é no ano 1999 no que...

Feira do Cocido

Feira do Cocido

Constitúe a cita gastronómica máis importante do municipio e unha das máis relevantes de toda a comarca, pois está declarada como Festa de Interese Turístico...

Festa do Lacón

Festa do Lacón

A Comarca de Deza é coñecida pola calidade das súas carnes, e moi especialmente polo aproveitamento culinario que do porco se realiza nesta zona. No...

Romaría do Rapaz

Romaría do Rapaz

Trátase dunha romaría singular que non conta con ningunha semellante en toda a comunidade que comezou a celebrarse en 1989 na parroquia de Siador, a...